Epic Games hedh shenja se ky personazh i Netflix do të vijë në Fortnite

Donald Mustard, Drejtor Krijues në Epic Games, ka hedhur të dhëna drejt mundësisë së ardhjes së personazhit të Chris Hemsworth nga filmi Extraction i Netflix, në Fortnite.

Extraction kishte premierën botërore në 24 prill. Filmi ka qenë nën drejtimin e regjizorëve të Avengers: Endgame, Joe dhe Anthony Russo. Chris Hemsworth, që luan Thor në MCU, është në rolin e Tyler Rake, një mercenari të pamëshirshëm që duhet të shpëtojë jetën e një djali të ri në Bangladesh.

Filmi ka marrë kritika të miksuara, dhe shumë e kanë krahasuar me serit e John Wick. Në fakt ishte ky krahasim ai që solli të dhënat nga ana e Mustard. Russo Brothers postuan një foto në Twitter të Tyler Rake në përballje me John Wick me caption: “Kush jeni në një ndeshje: Tyler Rake apo John Wick?”

Në një reply, Donald Mustard tha: “Hey Joe. Ndoshta duhet ta vëmë Rake në Fortnite dhe ta zbulojmë.”

Fortnite është bërë e njohur tashmë për crossovers-at e saj me disa nga figurat më të njohura në botë, përfshirë këtu edhe me seritë e Avengers.

Nëse do të ishte çfarëdolloj loje tjetër përveç Fortnite do ju thonim që të ulnit pritshmëritë dhe të mos e merrnit për të mirëqenë, por kemi parë shumë crossovers në battle royale-in e Epic dhe do të thonim që është plotësisht brenda mundësive.