Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Loja do të kalojë tanimë në Epic Store
Epic Games lajmëroi ditën e mërkurë se ka blerë zhvilluesin Psyonix, ekipin mbrapa suksesit masiv të Rocket League. Versioni për PC i Rocket League do të kalojë në Epic Games Store në fund të 2019. Ndërkohë, lojtarët ende mundet t’a blejnë atë në Steam. Pas kalimit, Epic thotë se ata do të vazhdojnë të suportojnë versionin e Steam për të gjithë blerësit ekzistues. Ata qartësuan se kjo do të thotë se të gjithë patch-et, DLC-të dhe çdo lloj përmbajtje që vjen në PC në lojë nëpërmjet Epic Games Store do të vijë gjithashtu në Steam për ata që e kanë blerë më herët lojën.
Rocket League është krijuar nga engine i Epic Games, Unreal Engine dhe u lançua për PC dhe Playstation 4 në 2015. Më vonë, loja gjithashtu u lançua në Xbox One dhe në Nintendo Switch. Psyonix zbuloi në 2017 se loja kishte shitur mbi 10.5 milionë kopje, ndërsa tani ka mbi 57 milionë lojtarë.
Psyonix ka bashkëpunuar dhe më herët me Epic Games, në seri si Gears of War dhe Unreal Tournament. CEO i Epic Games, Tim Sweeney, tha se Psyonix ka qenë gjithmonë pjesë e familjes së Epic e se ata janë të lumtur që tashmë gjithçka është zyrtarizuar. “Ne kemi respekt të madh për mënyrën se si Psyonix ka ndërtuar një ekip të shkëlqyer dhe një komunitet të mrekullueshëm rreth Rocket League” tha ai.
Edhe pse asnjëra prej kompanive nuk dha shumë detaje mbi blerjen, ato thanë se pritet që marrëveshja të mbyllet rreth fundit të majit dhe fillimit të qershorit. Më pas, Psyonix, i cili ka rreth 132 punëtorë në zyrat e tyre në San Diego, do të vazhdojë punën në Rocket League në të gjitha platformat.
Epic Games lançoi dyqanin e tij në dhjetor të 2018 dhe që prej asaj kohe ka nisur një luftë e zjarrtë midis tyre dhe Steam, ku këta të fundit kanë arritur suksese të njëpasnjëshme, pasi bënë pjesë të tyre lojëra si Metro Exodus, i cili pati një lum me polemika pas lançimit, por edhe The Division 2. Dallimi më i madh midis dy platformave janë fitimet që ato i japin zhvilluesëve, ku Epic merr 12% të fitimit për vete, ndërsa Steam vazhdon të marrë rreth 30%.
