Këtë javë do të mund të merrni falas në Epic Games Store Amnesia: The Dark Descent dhe Crashlands. Tashmë Epic ka zbuluar edhe lojën që do të vijë falas javën e ardhshme, një indie puzzler i quajtur Death Coming.
Death Coming ju vendos në një pamje izometrike mbi disa rrugë të vogla të mbushura me NPC. Ju mund të klikoni edhe pjesë të mjedisit, përshembull të hidhni vazo lulesh nga dritarja ose të ndryshoni dritat e semaforit, çfarëdo që duhet për t’i lënë këta njerëz të vegjël në pirgje gjaku, që të mund të merrni shpirtrat e tyre. Mendojeni se Hitman, nëse Agent 47 do të kishte fuqitë e zotit. Tepër e errët e dimë, por interesante.
Ju do të mund të merrni Death Coming nga promocioni që do të fillojë në 7 maj. Loja do të jetë e disponueshme deri në 14 maj, ku më vonë do të zëvendësohet me diçka tjetër, siç e do tradita. Në raste lojërash të tilla, Epic shton edhe një lojë tjetër pak më miqësore të themi. Gjithsesi nuk mund të mohojmë se traileri i Death Coming është mjaft gallatë.