Zhvilluesi i Fortnite, Epic Games, është përfshirë sërish në një tjetër çështje ligjore mbi një kërcim në Fortnite. Këtë rradhë gjërat lidhen me emote-in “Pump It Up”, të bazuar në një video virale të 2006s.
Matthew Geiler, u bë i njohur si Dancing Pumpkin Man pasi videoja e tij në 2006n u përhap në të gjithë internetin. Ai tashmë ka kërcënuar të padisë Epic, për përdorimin e një emote-i të ngjashëm me kërcimin e tij.
Ky emote ishte i disponueshëm për tu blerë në lojë vetëm për një ditë gjatë eventit Fortnitemares të këtij viti. Kërcimi transformonte kokat e lojtarëve në kunguj që merrnin zjarr, teksa kërcenin si Geiler në videon e tij virale.
Geiler sugjeroi se ky emote “cënonte ngjashmërinë e tij personale” dhe deklaroi në letrën e drejtuar Epic Games se: “ishte i përgatitur që të merrte të gjitha masat e nevojshme për të mbrojtur personazhin e Dancing Pumpkin Man,” nëse Epic nuk e hiqte këtë emote nga battle royale-i.
Zhvilluesit e Fortnite e kthyen zjarrin menjëherë, duke kërkuar që çështja të shikohej nga një gjyqtar. Epic gjithashtu bëri një ankesë kundër Geiler dhe kompanisë së konsultimit të tij Sick Picnic Media, duke detajuar se ‘Dancing Pumpkin Man’ nuk është një personazh i bërë trademark, duke e hedhur kështu poshtë akuzën origjinale të Geiler.
Kjo nuk është hera e parë që Epic përballet me beteja ligjore mbi kërcimet në lojën e tij. Një nga çështjet më të njihura ishte nga ylli i Fresh Prince of Bel Air, Alfondo Ribeiro, mbi emote-in e kërcimit “The Carlton.” Kjo padi u mbyll pasi US Copyright Office e refuzoi kërkesën e tij.