Epic Games detajon ndryshimet që do të vijnë në matchmaking
Epic Games detajon ndryshimet që do të vijnë në matchmaking
Në një postim të ri në website-in e tyre, Epic Games lajmëroi se disa ndryshime do të vijnë në sistemin e matchmaking në Fortnite dhe pjesë e këtyre ndryshimeve ishte dhe shtimi i bots.
Epic shkruan se sistemi i matchmaking nuk ka ndryshuar në Fortnite që prej lançimi të battle royale dy vite më parë. Me patch-in v10.40, studio planifikon ta ndryshojë këto për shkak të ndryshimit dhe rritjes së aftësisë së lojtarëve.
Në update-in e ardhshëm, Fortnite do të përmirësojë llogjikën e matchmaking, që do të thotë se lojtarët duhet të luajnë më shpesh me lojtarë të tjerë me aftësi të ngjashme. Ndërsa ata përmirësohen, do të hasen me lojtarë më të mirë. Ekipi planifikon që këto ndryshime të vijnë ngadalë në lojë për të qënë të sigurt që po punojnë siç duhet.
Postimi gjithashtu përmend bots, që janë lojtarë AI të vendosur në një lojë. Epic ka si qëllim që bots të mbushin hapësirat midis lojtarëve të aftësive të ndryshme, për ta bërë më të lehtë kalimin tek lojtarët më të aftë. Ndërkohë që lojtarët përmirësohen, ata do të shohin më pak bots në ndeshje. Lojtarët në ndeshje kompetitive nuk do të përballen kurrë me bots.
Si me ndryshimet e matchmaking, Epic do të monitorojë bots për të parë se si ata do të performojnë dhe do të bëjë ndryshime në varësi të përshtypjeve.
Epic ende nuk ka lajmëruar datën e saktë të lançimit të patch v10.40 në Fortnite, por pritet që të vijë më vonë gjatë kësaj jave. Ende nuk dihet se si lojtarët do të reagojnë ndaj këtyre ndryshimeve kur ato të vijnë në lojë, por deri tani mendimet janë të miksuara. Për lojtarët e dobët, këto ndryshime janë padyshim mjaft të mira dhe nuk pritet që ato të prekin lojtarët e nivelit të lartë, kështu që nuk duhet të jenë problem. Megjithatë, situata padyshim që duhet monitoruar.