Për momentin është falas Limbo. Javën e ardhshme do të jetë War of Mine dhe Moonlighter.
Për momentin është falas Limbo. Javën e ardhshme do të jetë War of Mine dhe Moonlighter.
Kur Limbo u lançua për PC në 2011 ishte e shkëlqyer dhe kështu vazhdon të mbetet edhe sot. Është një lojë tërheqëse, me grafika të mra, por jo tamam e vështirë. Loja është për momentin falas në Epic Games Store dhe do të vazhdojë të jetë për pesë ditët e ardhshme. Kjo si pjesë e lojërave falas që Epic jep çdo javë.
Javën e ardhshme kemi dyfish surpriza. Epic njoftoi se do të ketë dy lojëra falas, për tu siguruar që të gjithë ta marrin një. Lojërat do të jenë War of Mine dhe Moonlighter. Arsyeja pse këtë javë janë dy është sepse War of Mine është M-rated, pra për mosha mbi 15 vjeç. Duke e shtuar Moonlighter në listë, Epic sigurohet që të gjithë e marrin nga një lojë falas.
Epic gjithashtu tha se sa herë që do të jepte falas një lojë M-rated do të sillte gjithmonë një tjetër bashkë me të. Pra e njejta llogikë e kësaj jave do të ndiqet edhe në vazhdim, sa herë që mund të përsëritet një situatë e ngjashme.
Epic Games doli si diçka e vogël në fillim, por dita ditës po e tregon që është një rival i denjë i Steam. Kjo jo vetëm për të gjitha lojërat falas që po jep, por për marrëveshjet e shumta të ekskluzivitetit që ka bërë me lojëra të mëdha, duke e bërë emrin Epic Store të njihet sot nga çdo gamer i platformës së PC.
Për tu kthyer prapë te Limbo: Do të keni kohë deri në 25 korrik për ta marrë dhe ne do ju sugjeronim që ta bënit. Vetëm nëse nuk i pëlqeni merimangat pastaj, ndoshta nuk është ideja më e mirë. Loja ësht falas dhe është e juaja për tu mbajtur përgjithmonë, pasi ta merrni. Edhe accounti i Epic është falas, ndaj realisht nuk keni asgjë për të humbur.