Është në listën e planeve të kompanisë
Është në listën e planeve të kompanisë
CEO i Epic Games, Tim Sweeney, bëri të ditur se në të ardhmen përdoruesit e Epic Games Store do të kenë akses në platformë përmes një aplikacioni zyrtar në telefonat e tyre. Për momentin ai ende nuk e ka zbuluar se kur do të arrijë ky i fundit, por ka thënë se është në planet e kompanisë.
Në një intervistë, Sweeney foli për suksesin masiv të Epic Games Store dhe se si ja doli që të ngrihej përballë gjigandit të Valve. Një nga pyetjet e pyetura në këtë intervistë është se cilat janë planet e ardhshme të Epic, duke thënë se ata kanë një aplikacion për Android dhe iOS në punë e sipër.
“Do të donim që të sillnim dyqanin tonë edhe në iOS dhe Android në të ardhmen. Besojmë se kjo është një mënyrë e mirë për ta ndihmuar industrinë që të eci përpara. Gjithsesi, është një mënyrë tjetër që Epic si zhvillues ka ndërtuar për të rrituar audiencën rreth Fortnite dhe kemi mësuar si të manaxhojmë një kompjuter dhe platformën Android
Pra siç kemi bërë me shumë gjëra, që nga Unreal Engine e deri te shërbimet e Epic Online, po përpiqemi që t’i shërbejmë industrisë dhe të ofrojmë një alternativë interesante për ekosistemin.”
Nuk ishte fort e qartë se kur do të vinte ky aplikacion për smartphones, por kemi një përshtypje që do të duhet të presim edhe pak përpara se të mund ta shohim konkretisht.