Siç është njoftuar tashme, Epic do i bëjë shërbimet e tij online të disponueshme për të gjithë zhvilluesit falas. Kjo përfshin sistemet cross-platform që dizenjoi për Fortnite: Friends List, matchmaking, inventory dhe purchase management, voice chat, analytics, support ticketing etj. SDK është e disponueshme që tani dhe gjithashtu integrimi i Unity dhe Unreal janë në rrugë e sipër për këtë vit.
Nuk ka asnjë kleçkë, shprehet Epic: “zhvilluesit mund ti përdorin këto shërbime për çdo lojë, për përdorimin e çdo engine dhe për shitjen e tyre në çdo dyqan, qoftë ky Steam ose jo.” Si fillim, Epic Online Services do të mbështesi Windows, Mac dhe Linux. Suporti për platformat konsola dhe mobile është në rrugë e sipër.
Por pse po tregohet Epic kaq bujar? Ai e pranon që kjo nuk është ndonjë bamirësi. Në fakt sa më shumë lojëra përdorin Epic Online Services aq më i madh bëhet rrjeti i tij social, aq më shumë miq gjejnë lojtarët e Fortnite që përdorin të njejtin sistem. Qëllimi i Epic është të krijojë një rrjet të pavarur nga platforma ose distributori. Në fund të ditës nuk do të ketë shumë rëndësi a po e luani një lojë në Steam, PS4 ose Epic Store. Lista e miqve tuaj do të jetë e njejtë.
Meqë kaluam te pjesa e miqve të përbashkët të lojës që mund të ndodhen në Epic ose Steam, Epic është shprehur se përdoruesit mund të bëjnë çfarë të duan me të dhënat e tyre kur vjen puna te importimi i miqve nga Steam. Javën e kaluar Epic Games Store kopjoi një file të Steam që përmbante ID dhe të dhënat e miqve, e cila do i ndihmonte përdoruesit me procesin e sipërpërmendur.
Epic më vonë shpjegoi se sado kjo gjë ndodhi, asgjë nuk i dërgohej Epic nëse vetë përdoruesi nuk e pranonte. Gjithsesi Valve e bëri të dukej sikur askush nuk duket ti aksesojë filet e Steam, duke thënë se ajo dosje ishte private dhe se nuk kishte për qëllim të përdorej nga programe të tjera ose të upload-ohej në shërbime të palëve të treta. Deri diku në fakt ka të drejtë. Ato të dhëna i përkasin përdoruesve të tyre dhe nëse ato do të importohen gjëkundi tjetër, ata duhet të kenë ndonjë lloj njoftimi.
Relatat mes Steam dhe Epic po bëhen gjithmonë e më të çuditshme. Nga një lloj lufte e ftohtë mes dy palëve, në aktin buajr të Epic, në ndodhinë me datat e përdoruesve për listimet e miqve në Fortnite, nuk dimë me as vetë se si mund të përfundojnë këta të dy në të ardhmen. Gjithsesi ideja e përgjithshme e veprimeve të Epic, sado pa shumë të drejtë, ishte e këndshme.