Endgame vjen edhe në Garena Free Fire, por jo ashtu siç prisnim

Rrjetet sociale të lojës i emocionuan vërtet lojtarët

Pa asnje dyshim, premiera e Avengers: Endgame ka qenë tema kryesore e kësaj jave. Filmi ka mbushur kinematë nëpër botë duke thyer rekorde e suksesi i tij duket se nuk do të ndalet edhe për ca kohë. E prekur gjithashtu nga suksesi i Endgame ka qenë dhe industria e gaming, e cila siç dihet është shumë pranë botës së superheronjve. Bashkëpunimet filluan të shfaqeshin nga çdo anë, siç ishte Fortnite x Avengers për të dytin vit rradhazi.

Të emocionuar ishin gjithashtu edhe zhvilluesit e Garena Free Fire, një prej lojërave battle royale më popullore në mobile në këto momente. Në faqen zyrtare të Free Fire në Amerikën Latine u shpërnda një imazh i cili për pak minuta i dha shumë shpresë fansave të lojës, por edhe atyre të Marvel.

Në imazh shfaqen disa prej karaktereve të lojës, të cilët zënë vendin e superheronjve të Marvel në posterin zyrtar të filmit. Në logo gjithashtu shkruhet “Free Fire Endgame“, çka duket si një reklamim për një prej ngjarjeve më të pabesueshme që mund të ketë ndodhur ndonjëherë në lojë. Megjithatë, e gjitha është një montazh, siç sqarohet dhe nga vetë administratorët e Twitter-it të lojës, të cilët kërkojnë “një like nëse do të donit që kjo të ishte e vërtetë“.

Një bashkëpunim i tillë padyshim që do t’ju linte një shije të mirë si fansave të Free Fire, ashtu edhe atyre të Marvel. Megjithate, derimë tani duhet të kënaqemi vetëm me këtë poster. Por, ku i dihet ç’mund të ndodhë në të ardhmen.