Këto janë pamjet e para të lojës më të re nga studioja e ish-drejtorit të Battlefield dhe Battlefront
Këto janë pamjet e para të lojës më të re nga studioja e ish-drejtorit të Battlefield dhe Battlefront
Patrick Söderlund, ish-drejtori i zhvilluesit të Battlefield, DICE dhe shef i dizajnit te Electronic Arts, la EA verën e kaluar, për të krijuar studion e tij, Embark Studios. Këto janë pamjet e para nga çfarë duket se është projekti i parë i Embark.
Në një postim në Medium, Söderlund lajmëroi se Embark po punon për një lojë aksion free-to-play në një të ardhme të largët, e cila bazohet mbi bashkëpunimin dhe tejkalimin e pengesave në dukje të pamundshme.
Përveç videos, kemi gjithashtu disa koncepte mbi lojën, ku shihen dy eksplorues të veshur me rroba të shndritshme e duke ngritur një kamp, si dhe një përbindësh gjigand mekanik i mbuluar nga retë dhe mjegulla.
Nga testet e kryera në Unreal Engine, duket se loja e parë e Embark do të zhvillohet në një hapësirë të madhe tokësore. Söderlund tha se zhvilluesi “do të përpiqet të vendosë sa më shumë detaje vizive, duke përfshirë ndriçim dhe mot të ndryshueshëm, pa qenë një ekip i madh“.
Duket se Embark mezi pret të lançojë lojën e sajë të parë dhe t’a zgjerojë atë bazuar mbi idetë e lojtarëve të saj. Söderlund tha se Embark “fokusohet mbi nxjerrjen e diçkaje shpejt në mënyrë që t’a përmirësojë atë duke e sjellë atë më pranë vizionit të tyre afatgjatë“.
Embark ende nuk ka dhënë asnjë informacion se kur kjo lojë do të dalë e për çfarë platformash do të lançohet.