CEO i Tesla, Elon Musk ka pyetur nëse pronarët e Tesla do të donin të luanin The Witcher në makinat e tyre, duke marrë një përgjigjje shumë ekzaltuese nga fansat. Makina e Tesla ofron disa videolojëra për pronarët e saj, përfshirë këtu edhe Cuphead, që u shtua në Tesla në shtator të 2019s.
Musk i pyeti pronarët e Tesla në Twitter nëse “duan të luajnë lojën e The Witcher në Tesla,”duke ju kujtuar se gjithashtu mund të shohin The Witcher në Netflix, përmes tiparit Tesla Netflix. Ka patur 601,105 vota në poll, nga ku 85.4% e votave thonë se do të donin ta luanin The Witcher në makinën e tyre, në krahasim me 14.6% të votave që thonë se nuk do ta donin.
Tweeti i Musk gjithashtu mori shumë reagime pozitive nga fansat dhe nga adresa zyrtare e The Witcher në Twitter. Kjo e fundit postoi një foto të nga The Witcher 3: Wild Hunt me Roach të ngecur në tarracë, vetëm se në vend të tij ishte vënë një Tesla. Një fans edhe pyeti nëse Musk mund të fuste Fortnite në makinat Tesla.
Gjithsesi, jo të gjithë ishin pro idesë. Disa sugjeruan se po të vinin lojëra si The Witcher do të ishte e rrezikshme. Dy lojërat e para të The Witcher duan rreth 100 orë për tu mbaruar, ndërkohë që The Witcher 3: Wild Hunt mund të dojë më shumë se 200 orë për tu mbaruar. Shqetësimi në fjalë ishte se shoferët e Tesla mund të duan ta mbarojnë lojën aq keq sa të heqin sytë nga rruga. Tesla ka opsionin auto-pilot, por makinat nuk janë plotësisht autonome. Kjo do të thotë që shoferat nuk luajnë dot The Witcher për qejf dhe të lënë makinën në punë të saj.
Ende nuk dihet nëse Musk do të flasë me CD Projekt RED për vendosjen e The Witcher në Tesla. Deri atëherë e vetmja gjë që fansat do të shohin në bashkëpunimin e Tesla me CD Projekt Red do të jenë memet me Cyberpunk 2077 dhe Cybertruck.