El Camino: A Breaking Bad Movie vjen me një datë lançimi

Gjithsesi Aaron Paul nuk është shumë i lumtur për këtë.

Netflix ka zbuluar titullin dhe datën e lançimit të filmit të Breaking Bad dhe së bashku me këto edhe një teaser për filmin. Gjithsesi duket se protagonisti i tij, Aaron Paul nuk është edhe aq i lumtur.

El Camino: A Breaking Bad Movie do të vijë në shërbimin e streaming në 11 tetor. Kompania e postoi këtë njoftim në Twitter së bashku me një teaser një minutë të një burri që merrej në pyetje për vendndodhjen e personazhit të Paul, Jesse Pinkman.

Thashethemet mbi një vazhdim të serive që kanë vazhduar për pesë sezone nga 2008 deri në 2013, kanë vite që qarkullojnë. Para pak ditësh, Bob Odenkirk, protagonisti i spin off-it Better Call Saul, tha se xhirimet për filmin ishin mbyllur.

Deklarata e tij na shokoi të gjithëve, pasi askush nuk dinte asnjë detaj mbi filmin, por gjithsesi tani që është bërë një konfirmim zyrtar dhe është dhënë një datë lançimi, gjërat kanë filluar të jenë pak më të qarta.

Aaron Paul ju drejtua Twitter për të shprehur me keqardhje se si sekreti që ata ishin përpjekur kaq shumë të mbanin ishte bërë publik. Ai shkruan:

El Camino: A Breaking Bad Movie do risjellë Aaron Paul si Jesse Pinkman. Filmi është shkruajtur nga krijuesi i serialit, Vince Gilligan. Nëse Bryan Cranston do të rikthehet si White në film ende nuk dihet, por duke marrë parasysh që Breaking Bad përfundoi me vdekjen e tij, do të thonim që ndoshta bën rikthim në sekuenca të së shkuarës.

Siçe thamë dhe më lart, filmi do të vijë në Netflix në 11 tetor. Pritja nuk është shumë e gjatë.