Alex Grande, një zhvillues videolojërash, nuk mund të përballonte një PlayStation 5 të ri. Në vend që të hidhte një sasi të madhe parash për të, Grande bëri diçka tjetër. Ai ndërtoi një simulator që i jep ndjesinë e një PlayStation 5, pa patur nevojën të shpenzojë një kokërr leku.
Dhe le të jemi realistë, një pjesë e mirë e eksperiencës së këtyre paisjeve të reja, është ai momenti kur hap kutinë, nxjerr hardware-in prej saj dhe e lidh me televizorin. Ka një arsye pse videot unboxing janë kaq të para në YouTube. Disa njerëz janë duke blerë televizora të rinj, vetëm që ti përshtaten specifikave të konsolave të reja. Gjithsesi, PS5 Simulator i mundëson të gjitha këto falas.
“Nuk mund ta përballoj ta blej,” tha Grande. “Por dua shumë që ta kem një PS5, ndaj krijova një lojë për veten time ku mund të imagjinor sikur kam një PS5.”
Loja përfshin edhe detajet e vogla, si hapja e kutisë dhe materialet e amballazhit. Grande thotë se ju desh një javë që ta realizonte këtë projekt. Ju mund ta shkarkoni PS5 Simulator falas në Itcch.io.