Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
uNiQUE.Xportal humbi në finale 2-1 ndaj Ex-BLUEJAYS në A1 Adria League
Ditën e djeshme në Zagreb të Kroacisë, u zhvilluan gjysmëfinalet dhe finalja e madhe e A1 Adria League Season 4. Në këtë turnament ballkanik, i cili zhvillohet në CS:GO, Dota 2, Hearthstone dhe Clash Royale me një prize pool prej 10.000€ në çdo lojë, Kosova përfaqësohej në finale e CS:GO nga ekipi i uNiQUE.Xportal, i përbërë nga Sener “SENER1” Mahmuti, Rigon “rigoN” Gashi, Flatron “juanflatroo” Halimi, Atif “gejmzilla” Mustafa dhe Genc “gxx-“ Kolgeci.
Pas rezultateve shumë të mira në fazën e grupeve ku dolën ne vend të dytë pa u mposhtur asnjëherë 2 herë nga i njëjti ekip, uNiQUE.Xportal ishin një prej ekipeve pretendentë të këtij turnamenti, pasi ishin gjithashtu dhe fituesit e A1 Adria League Season 3. Fillimisht, në gjysmëfinalen e dytë atyre ju duhej të përballeshin kundër JESTE. Në 3 ndeshje të luajtura në Train (16-9), Inferno (8-16) dhe Dust 2 (16-6), uNiQUE arriti të fitojë duke kaluar në finalen e madhe ku duhet të përballeshin ndaj ish-BLUEJAYS.
Finalja e madhe nisi shumë mirë, me uNiQUE.Xportal të cilët patën një nisje të fuqishme duke arritur të fitonin 13-16 në Inferno. Megjithatë, ritmi i tyre ra në Dust 2, duke e humbur hartën me rezultatin 16-8 dhe ndeshja duhet të vendosej në Train. uNiQUE.Xportal nisi mjaft mirë, duke përfunduar gjysmën e parë të ndeshjes si T me rezultatin 5-10. Megjithatë, ata nuk arritën ta ruanin ritmin e tyre dhe ish-BLUEJAYS fituan në fund me rezultatin 16-14.
Pavarësisht humbjes, uNiQUE.Xportal duhet ta mbajë kokën lart. Performanca e tyre ishte mjaft e mirë, me rigoN që kishte 1.25 rating në finale dhe ishte githashtu lojtari me më shumë vrasje në finale. Më poshtë mund të ndiqni stream-in e plotë të gjysmëfinaleve dhe finales së A1 Adria League:
