Edhe pse nën hijen e Fortnite, PUBG është ende e suksesshme gjatë 2019

Loja vazhdon të jetë në formën më të mirë të mundshme

Para se të ekzistonte PlayerUnknown’s Battlegrounds, ekzistonin mod-et e zhvilluesit Brendan Greene që kthenin lojëra si ARMA 2 në battle royale. Një prej krijimeve më të suksesshme të tij, DayZ: Battle Royale, ishte një mod i ndërtuar mbi një tjetër mod. Ky stil loje u bë vërtet popullor, por nuk shpërtheu derisa ai u punësua nga zhvilluesi korean Bluehole për të krijuar PUBG, e cila vendosi rekordin për më shumë lojtarë njëherësh në Steam me 3.2 milionë në janar të 2019. Shumë imitime erdhen dhe tani, rreth një vit më vonë, është Fortnite ajo që dominon lajmet dhe jo PUBG. Mbretërimi i shkurtër i PUBG duket sikur ka ndodhur para shekujsh.

Megjithatë loja vazhdon të jetë popullore. Në dhjetor të 2018, PUBG Mobile kishte mbi 200 milionë lojtarë. Ndërkohë, Fortnite në të gjitha platformat kishte të njëjtin numër lojtarësh. Edhe pse Fortnite ka dominuar mediat, PUBG e ka ndjekur e qetë atë, madje duke i kaluar numrat e Fortnite (numër i cili nuk përfshin lojtarët e klonit kinez të lojës, Game for Peace). Në qershor të 2018, PUBG Corp tha se kishte më shumë se 400 milionë lojtarë, 227 milionë prej të cilëve futeshin rregullisht çdo muaj. Megjithatë, pavarësisht këtyre numrave, numri i lojtarëve në PC është ulur vazhdimisht sipas SteamCharts. Megjithatë, loja vazhdon të jetë e treta në Steam çdo ditë, pas Dota 2 dhe CS:GO.

“Në fillim, ne shpenzuam të gjithë kohën për të shpjeguar se çfarë është një battle royale. Padyshim që kemi punuar shumë dhe jemi lodhur, por është vërtet mahnitëse të shohësh PUBG të kthehet nga loja e parë e madhe battle royale në një lojë të konsoliduar në treg” tha Brian Corrigan, drejtori i PUBG Corp.

Kur zhanri i battle royale-ve ishte i ri, lojtarët nuk dinin se çfarë të prisnin. Fakti që loja ishte ende në early access ndihmoi në uljen e pritshmërive. Corrigan thotë se pritshmëritë e lojtarëve janë më të larta dhe tashmë ata kanë kërkesat e tyre.

Streamer-at dhe YouTuber-at duan një lojë që garanton gameplay argëtues për fansat e tyre, gjë të cilën e ofrojnë 4 hartat e lojës, makinat dhe armët e ndryshme si dhe lojërat custom. Ndërkohë, lojtarët kompetitivë duan një lojë e cila është e balancuar dhe e fokusuar te aftësitë e lojtarit e jo te kaosi dhe rastësia. Edhe pse është e vështirë të arrish balancën perfekte, PUBG Corp. duket se ia ka dalë mbanë, pasi ankesat nga lojtarët e lojës janë të pakta dhe loja është battle royale i dytë më i ndjekur në Twitch (sigurisht, pas Fortnite).

PUBG ka pasur ndryshime të shumta gjatë vitit të kaluar për të arritur aty ku është sot. Vitin e kaluar ata zbuluan Survivor Pass (më parë i quajtur Event Pass) si sistemin e progresionit në PUBG. Në mënyrë të ngjashme me Battle Pass-in e Fortnite, Survivor Pass i shpërblen lojtarët për mbarimin e misioneve dhe arritjet e tyre. Survivor Pass si dhe hartat e reja e kanë ndryshuar PUBG në mënyrën më të mirë të mundshme.

Loja ka 4 harta, Erangel, Miramar, Sanhok dhe Vikendi. Secila nga harta ka veçoritë e saj, por Sanhok është vërtet ndryshe. Duke qënë më e vogël, sa gjysma e hartave të tjera, ajo ka një rreth dinamik, i cili analizon se sa lojtarë ka ngelur dhe lëviz sipas nevojave. Çdo hartë është aq e ndryshme nga tjetra saqë secila prej tyre ndryshon mënyrën tuaj të lojës. “Eksperienca është vërtetë unike dhe ne jemi OK me këtë gjë. Për të qënë i mirë në PUBG duhet të kesh një kombinim të aftësive teknike, eksperiencës në varësi të situatave dhe këmbngulje të vazhdueshme. Ka shumë mënyra se si ne mund t’a ndryshojmë lojën për t’a bërë atë më të lehtë për lojtarët e rinj, por kjo nuk është ajo çka ne duam të bëjmë. E shikojmë PUBG si të pafalshme, të vështirë dhe një përzierje të rastësisë dhe gjërave të çuditshme për ta mbajtur lojën sa më interesante.” shton Corrigan.

Problemi i vërtetë i PUBG Corp. janë lojtarët hileqarë. 13 milionë llogari në PUBG janë bërë ban që nga 2017. 15 njerëz janë arrestuar dhe më herët këtë vit janë ndaluar disa lojtarë profesionistë të lojës, pasi kishin bërë hile gjatë kualifikueseve të saj. Megjithatë, PUBG ka bërë sakrificat e saj për të implementuar në lojë sisteme për t’i ndaluar lojtarët hileqarë.

Rëndësi të madhe në vazhdueshmërinë e PUBG ka qënë struktura kompetitive e saj, e cila u lançua këtë vit. PUBG si esport ka krijuar 9 nivele të ndryshme profesionale, përfshirë këtu dhe National PUBG League në Amerikë, e cila zhvillohet në një studio të posaçme në Kaliforni. Drejtori i esports Jake Sin tha se periudha 10 mujore kompetitive garanton vazhdimësi dhe stabilitet. Duke pasur 9 liga të ndryshme, fansat e lojës mund t’a ndjekin atë kur të dëshirojnë. Gjithashtu, PUBG Corp. ka ndihmuar ekipet pjesëmarrëse në Amerikën e Veriut dhe në Europë duke iu dhënë atyre 25% të fitimeve nga shitja e produkteve lidhur me ligat e esports dhe gjithashtu i ndihmon ekipet të pagujanë disa prej shpenzimeve të tyre.

“Problemi më i madh për PUBG është gjetja e mënyrës së zhvillimit të battle royale-ve si esports, pasi ato nga natyra kanë shumë elemente rastësorë. Megjithatë, PUBG ka bërë pjesë të lojës rregulla të cilat e limitojnë RNG dhe e bëjnë atë më të menaxhueshme. Kjo, së bashku me zbulimin e mënyrës se si të prezantohen më së miri të 64 lojtarët në lojë, e bëjnë battle royale jo thjesht një lojë ekipe vs ekipe, por një histori” thotë Simms.

Në kohët e sotme, lojtarët presin që lojërat dhe ligat të evolojnë brenda sekondit. PUBG Corp. e di këtë gjë dhe Corrigan tha se ekipi i suportit ndaj lojtarëve është shtuar shumë. Pas një viti pak të ngadaltë në dukje, ata po i korrin frytet e punës së tyre sivjet. Ai gjithashtu premtoi se lojtarët do të shikojnë më shumë përmbajtje të re në lojë, ndryshme të reja dhe mbështetje të vazhdueshme të skenës kompetitive.