EA Sports zbulon ‘icon player-in’ e parë për FIFA 20

I madhi Andrea Pirlo!

Lançimi i shumëpritur i FIFA 20 është dy muaj larg, por kjo nuk do të thotë që zhvilluesit nuk do të ndajnë detajen mbi lojën. EA Sports ka njoftuar yjet që do të jenë në kopertinë dhe tani ka zbuluar se legjenda italiane, Andrea Pirlo do të jetë një Icon player në lojë.

Poshtë mund të gjeni postimin në Twitter që EA Sports FIFA bëri për ta dhënë lajmin.

Përshkrimi i vendosur i bën komplimentat e duhura legjendës së futbollit duke lexuar: “Maestro, L’Architetto, Il Metronomo, Il Professore, Mozart! @Pirlo_official will be an ICON in #FUT20. Full feature-reveal on 31 July.”

Siç mund të shihet, EA Sports gjithashtu ka njoftuar se do të bëjnë zbulimin e plotë të kësaj veçorie të FIFA 20 në 31 korrik.

Përsa i përket Pirlo pastaj, nuk mendoj se është nevoja ti themi këto, por legjenda ka luajtur për skuadra të ndryshma gjatë karrierës së tij, përfshirë këtu: Inter Milan, A.C. Milan dhe Juventus. Gjatë viteve të fundit të karrierës, ai luajti për klubin Major League Soccer (MLS) dhe New York City FC. Ai ka bërë 524 paraqitje dhe e ka mbyllur udhëtimin e tij me 55 gola dhe 97 asistime.

Gjithsesi arritja e tij më e madhe është FIFA World Cup e 2006s, ku ai luajti një rol madhor për kombëtaren Italiane, teksa ajo mundi të ngrinte kupën për herë të parë pas dekadash.