EA shpjegon pse jo i gjithë progresi i FIFA 21 kalon në next-gen

Ata që janë investuar në offline modes mund të zhgënjehen

Nëse jeni duke luajtur ose do të luani së shpejti FIFA 21, dhe po planifikoni të përditësoni konsolën tuaj, mund të mos dëshironi të kaloni shumë kohë në offline modes.

Zhvilluesi, EA Sports, po ofron një program të quajtur Dual Entitlement, në të cilin konsumatorët do të jenë në gjendje të bëjnë upgrade kopjen e tyre aktuale të gjeneratës së FIFA 21 kur të dalin konsolat e gjeneratës së ardhshme, nga Sony dhe Microsoft.

Progresi nga online modes, si FIFA Ultimate Team dhe Volta, të tilla si kartat e lojtarëve, coins online dhe të dhënat e ndeshjeve, do të transferohen, duke i lejuar lojtarët të kenë një bazë me ndërtimin e skuadrës së tyre online.

Megjithatë, të gjitha mode-et e tjera nuk do të kenë të njëjtin përfitim. Modalitete si Seasons, Co-Op Seasons, Career Mode dhe Pro Clubs do të ruhen në nivel lokal në pajisjen tuaj aktuale dhe nuk do të transferohen në konsolën tuaj të ardhshme.

Në një deklaratë për Eurogamer, prodhuesi ekzekutiv i FIFA-s, Aaron McHardy tha se duhej të bëheshin “shkëmbime” në favor të përmirësimit të produktit të përgjithshëm për gjeneratat e ardhshëm të konsollave.

“Ne vendosëm që koha e nevojshme për të bërë të gjitha modalitetet e transferueshme ishte përdorur më mirë për të ndërtuar veçori të reja dhe përmirësime gjatë gjithë lojës, së bashku me adresimin e reagimeve nga lojtarët tanë,” tha McHardy. “Meqenëse Volta dhe FUT janë mode-e të bazuara në server, kishte kuptim që ne të përqendroheshim në to si një mënyrë për lojtarët për të vazhduar progresin e tyre.”

Me Ultimate Team që është “arka e kursimeve” të EA, nuk është çudi që mënyra po prioritizohet. Për lojtarët që tashmë kanë akses në lojë dhe preferojnë të krijojnë ekipet e tyre offline. mund të jetë më mirë të prisni për konsolën tuaj të re para se të filloni.