EA pezullon çdo event FIFA 20 Global Series prej Coronavirus

Të gjitha eventet e FIFA, qoftë offline ose online, të operuara nga EA, ose të drejtuara nga palë të treta me licencë janë shtyrë për shkak të Coronavirus

Në të njëjtën ditë kur Presidenti Trump shpalli një gjendje emergjence kombëtare në Shtetet e Bashkuara në 13 mars, EA Sports dhe FIFA njoftuan se të gjitha eventet e FIFA 20 Global Series janë pezulluar deri në një njoftim të mëtejshëm.

Për dallim nga ligat e tjera të esports që po bëjnë një përpjekje për të vazhduar me evente vetëm online, FIFA ka anuluar ato gjithashtu. Kjo vjen pasi EA zyrtarisht shtyu të gjitha eventet e tyre konkurruese live.

Në njoftimin e tyre, EA dhe FIFA thanë se vendimi i tyre “ishte nxitur për të siguruar sigurinë e konkurrentëve, stafit dhe partnerëve tanë”. Vendimi i EA lë të kuptohet që ka përjashtime të mundshme nga vendimi për të pezulluar eventet: “Ky përfshin të gjithë përmbajtjen e lojërave kompetitive, përveç transmetimeve që mund të prodhohen individualisht nga distanca. Eventet online, ku pjesëmarrësit dhe stafi janë larg njëri-tjetrit”

Ky zhvillim i fundit përkon me vendimin nga Premier League, divizioni më i lartë i futbollit në Angli, për të shtyrë finalen e ePremier League që kishin planifikuar për më vonë në mars. Vetë ndeshjet aktuale të futbollit gjithashtu janë shtyrë.

Ky ndryshim në orarin e FIFA 20 Global Series dhe ePremier League është vetëm i fundit në një listë në rritje të ndryshimeve të bëra në esports në të gjithë botën, si përgjigje ndaj Coronavirus.

E gjithë kjo ndodh teksa pjesa tjetër e botës reagon ndaj viralitetit të këtij virusi. Disa vende kanë deklaruar emergjencë kombëtare, gati të gjitha ligat sportive janë shtyrë për një të ardhme të afërt, dhe Organizata Botërore e Shëndetit e etiketoi zyrtarisht Coronavirus si një pandemi.