Loja mendohet të vijë edhe në Nintendo Switch.
Loja mendohet të vijë edhe në Nintendo Switch.
Një thashethem i ri ka filluar të qarkullojë përsa i përket EA dhe serive të Need for Speed. Sipas këtij thashethemi Need for Speed: Hot Pursuit, që u lançua rreth një dekadë më parë, do të vijë në gjeneratën e tanishme të konsolave, përfshirë këtu edhe Nintendo Switch.
Gjatë EA Play, kreu i medias sociale në Respawn njoftoi se kompania planifikon që të publikojë shtatë lojëra në konsolën hibride të Nintendo përgjatë dymbëdhjetë muajve të ardhshëm.
Këto lojëra përfshijnë emra si Burnout Paradise, FIFA 21, Apex Legends, Lost in Random si edhe Plant vs Zombies Battle for Neighborville. Burimet përmendin se në këtë listë do të jetë edhe Need for Speed: Hot Pursuit.
Nëse realisht do të vijë një remaster i NFS: Hot Pursuit për gjeneratën e tanishme, mbetet të presim dhe të shohim, por është e sigurt që shumë gamers do të ishin pro asaj ideje.