EA përfundon shërbimin ‘On The House’ të Origin

Kompania largoi ‘On The House‘ nga aplikacioni, pa dhënë një njoftim zyrtar, përveç një përgjigjeje të zëdhënësit të EA për pyetjen e Polygon, duke thënë se “The House of Origin’ ka dalë në pension dhe nuk do të ofrojë lojëra të reja brenda shërbimit. Kjo gjë nuk do të ndikojë në lojërat që janë fituar nga përdoruesit tashmë. Ato do të qëndrojnë përgjithmonë.

“On The House” e Origin ka ofruar disa tituj të shkëlqyer në intervale kohore të ndryshme, megjithatë, me ardhjen e Origin Access Premier që ofron të gjitha titujt në dispozicion të EA, është e qartë rruga që kompania dëshiron të ndjekë.

Nëse jeni duke kërkuar tituj falas për të provuar, opsionet e vetme tani janë Steam, Humble Bundle dhe GOG.