Time to Kill dhe Time to Die janë tematikat më të diskutuara të momentit nga lojtarët e Battlefield V. Electronic Arts tha në një postim në Reddit se e pranonte që disa lojtarë ishin të acaruar pasi po vdisnin shumë shpesh dhe shumë shpejt. Për fat të keq update-i i ri nuk do ndryshojë asnjë nga këto aspekte, por EA tha se ka në plan të fillojë eksperimentimet mjaft shpejt.
“Plani është që tëbëhen ndryshimet globale dhe pastaj të krijohet një playlist ku aplikohen ndryshimet e TTK, që lojtarët të mund ti krahasojnë në mënyrë të drejtpërdrejtë. Sidoqoftë ky plan mund të ndryshojë pasi të fillojmë përqasjen rreth tij.” U shpreh gameplay designer-i Florian Le Bihan.
Në Overture nga ana tjetër, Revive do të rregullohet që të përmirësojë eksperiencën pa pësuar ndryshime në shpejtësi. Krahas kësaj do të bëhen ndryshime edhe në armë, specifikisht te ato të llojit Medic, ku preçizioni do të përmirësohet.
Battlefield V Tides of War Chapter 1: Overture do të mbërrijë në 4 dhjetor.