EA premton se rregullime për problemet e FIFA 20 do të vijnë më vonë
EA premton se rregullime për problemet e FIFA 20 do të vijnë më vonë
Electronic Arts i ka kthyer përgjigje ankesave të komunitetit të FIFA, pasi ata shprehën hapur pakënaqësinë e tyre për problemet që ka loja që prej lançimit të saj në 27 shtator.
Ditën e djeshme, EA postoi në forumin e saj përgjigje mbi problemet e shumta të lojtarëve të FIFA 20, veçanërisht për shqetësimet e tyre mbi Ultimate Team, Career Mode dhe Volta.
Që prej lançimit të FIFA 20, shumë lojtarë kanë shprehur pakënaqësinë e tyre mbi Career Mode. Shumë kanë kritikuar mungesën e inovacionit në këtë mode, si dhe një numër shumë të madh problemesh brenda tij.
Shumë pyetje kishin të bënin me glitch-e të vogla, për të cilat EA ka konfirmuar se po punojnë për disa patch-e për to. Këtu përfshihen problemet me Champions League, vështirësinë Ultimate që është më e lehtë se ç’duhet dhe konferencat për shtyp që kanë pyetje pa kuptim.
Disa prej përgjigjeve më të gjatëa të zhvilluese kishin lidhje me veçorinë Dynamic Potential, si dhe disa skenare jorealistike që shkaktoheshin prej kësaj. Për këtë arsye dhe për shkak të natyrës së kësaj veçorie, EA mirëpret mendimin e lojtarëve dhe raportimin e problemve në një postim specifik.
Për sa i përket Ultimate Team, shumica e pyetjeve kishin të bënin me menunë e ndryshuar dhe disa prej veçorive si kërkesat për Division Rivals, që do të bëhen të dukshme në update-t e ardhshme.
Seksioni i rradhës i përgjigjej mendimeve të lojtarëve mbi gameplay-n. Këtu u fol për krosimet dhe goditjet me kokë që duken shumë të dobëta në FIFA 20. EA shpjegoi se përshtypjet e lojtarëve në FIFA 19 i detyruan ata ta bënin nerf këtë mënyrë shënimi.
Gjithashtu, EA tha se ndryshimet në mbrojtje kanë gjithashtu lidhje me përshtypjen e lojtarëve në FIFA 19 dhe se ata do t’i monitorojnë këto ndryshime. Së fundi, mund të presim që të shohim ndryshime të vogla te portierët, veçanërisht te tendenca e tyre për të larguar një krosim që mund ta kapnin.
Pjesa e fundit që diskutohet është VOLTA, një rikthim nostalgjik tek lojërat FIFA Street të viteve 2000, ku lojtarët luajnë me ekipe të vogla në rrugë. Megjithatë, momentalisht lojtarët nuk mund të luajnë në të njëjtin ekip me miqtë, gjë që EA thotë se është një prioritet kryesor për ta.
EA gjithashtu konfirmoi se microtransactions do të vijnë në VOLTA më vonë gjatë FIFA 20, por vetëm nëse ato shtojnë diçka tek eksperienca e lojtarëve.
Duket se EA më në fund po i dëgjon lojtarët dhe komunitetin, por zhvilluesit ende po ndjekin filozofinë që ata duan të implementojnë në lojë, duke marrë parasysh mendimet e lojtarëve të lojërave të vjeta FIFA.