EA heq dy festime nga FIFA 21 për të reduktuar “sjelljen toksike”

Një raport i Eurogamer thotë se si pjesë e përpjekjes së EA për të luftuar toksicitetin në FIFA, Electronic Arts ka vendosur të heq dy festime golash, Shush dhe A-Ok nga FIFA 21 e ardhshme.

Shush ka qenë një problem sepse, si një festim që zgjat, lojtarët mund të humbnin kohë (dhe të fyejnë kundërshtarët) duke vrapuar nëpër fushë ndërsa e përdorin atë. Arsyeja për heqjen e A-Ok, e cila u shtua vetëm vitin e kaluar, është më pak e qartë, por është ndërtuar rreth të njëjtit gjest “OK” që u hoq kohët e fundit nga Call of Duty: Modern Warfare dhe Warzone për shkak të lidhjes së saj të fundit tek lëvizjet e epërsisë së bardhë.

“Neve na u bë e ditur nga komuniteti që ka sjellje toksike në lojë dhe ne kemi dashur të sigurohemi që t’i heqim ato. Kështu që ne hoqëm disa nga festimet për të cilat njerëzit menduan se nuk ishin ideja më e mirë për të patur në lojë”, u shpreh producenti kryesor i gameplay Sam Rivera.

Ndryshime të tjera që synojnë zvogëlimin e sjelljes toksike në FIFA 21 përfshijnë një ulje të sasisë së kohës që lojtarët mund të kalojnë në rivënie anësore dhe rifillim të aksioneve. Disa animacione gjithashtu do të kalojnë automatikisht kur topi të dalë jashtë loje gjatë ndeshjeve online. EA tha që ndryshime të tjera që synojnë zvogëlimin e toksicitetit në ndeshjet online në FIFA gjithashtu ka të ngjarë të ndodhin.

FIFA 21 është vendosur të dalë në 9 tetor, por do të jetë në dispozicion tre ditë herët për këdo që bën preorder Ultimate ose Champions Edition.