EA zgjodhi fituesin e një ndeshjeje pro të FIFA me guri-letra-gërshëra

Të luajturit eSports në mënyrë profesionale, është ende një koncept relativisht i ri për shumicën dërrmuese të botës, pavarësisht se industria në vetëvete është duke u rritur me hapa galopantë. Gjithsesi, ka ende disa gjëra të çuditshme që mund të gjenden tek tuk, si EA që vendosi fituesin e një ndeshje competitive duke përdorur metodën e ‘guri letra dhe gërshëra’.

Serverat e EA, nuk po punonin atë ditë, duke sjellë probleme për shumë nga lojërat e kompanisë. Kjo gjë rezultoi të ishte shumë e dëmshme për dy lojtarë profesionistë të FIFA, Shaun Galea dhe Hasan Eker, që e kishin të pamundur të bënin matchmake për një ndeshje. Sado që mund të mos jetë mënyra më e mirë për të vendosur diçka si Team of the Year, EA përdori rastësinë për të vendosur kush do të kalonte.

Kjo gjë rezultoi të ishte lajm i keq pëe Galea. Lojtari humbi në guri-letra-gërshëra dhe sigurisht bashkë me të edhe ndeshjen. Galea foli në Twitter për të gjithë fiaskon, duke shprehur inat që e gjithë puna e tij kishte shkuar dëm, për shkak të serverave problematikë të EA.

Është përgjithësisht një situatë e çuditshme për të gjithë. EA i nevojitej një zgjidhje e shpejtë dhe një lojë guri-letra-gërshëra, sado që bën sens deri diku, mbetet e çuditshme. Opsioni më i mirë do të ishte që thjesht të shtyheshin gjërat, derisa serverat të rregulloheshin, por kjo mund të sillte vonesën e ndeshjeve të tjera pastaj. Gjithsesi për Eker gjërat dolën mirë, ndaj e gjithë situata ishte pak si thikë me dy presa.

EA është hasur shpesh me kritika për mënyrën se si menaxhon skenën profesionale të FIFA 20 dhe lojën përgjithësisht. Le të shpresojmë që serverat e EA do të qëndrojnë funksionale në një mënyrë konsistente dhe të mos ketë më lojtarë që luajnë guri-letra-gërshëra në vend të FIFA.