Akuzat e fundit të abuzimit seksual kundër Cristiano Ronaldos kanë alarmuar EA duke e rishikuar ngjarjen, pasi ky i fundit është në koprtinën e FIFA 19. Sipas The Guardian, policia e Las Vegas konfirmoi se rasti u rihap pas akuzave publike të Catherine Majorca kundër futbollistit , në revistën gjermane Der Spiegel javën e kaluar.
“Stacioni i policisë në Las Vegas kishte marrë një akuzë për dhunë seksuale në vitin 2009. Në atë kohë, viktima nuk u ofroi informata policëve për incidentin apo përshkrimin e personit që e dhunoi ndërsa po shqyrtohej nga mjekët. Në shtator 2018, kjo çështje u hap përsëri dhe oficerët tanë të policisë po shqyrtojnë informacionin e dhënë nga viktima. Hetimi është në zhvillim e sipër dhe ne nuk mund të japim më shumë informacion në këtë kohë“, tha departamenti.
“Unë definitivisht mohoj akuzat kundër meje, e konsideroj përdhunimin një krim të pamëshirshëm, në krahasim me atë që jam dhe atë që unë besoj dhe nuk do ta ushqej këtë spektakël të medias, unë do të pres përgjigjen e rezultateve të hetimeve”, shkruajti superstari i Juventusit në Twitter.