Eventi masiv i njoftimit të lojërave të reja, nuk do të ndodhë për herë të parë që nga viti 1996
Eventi masiv i njoftimit të lojërave të reja, nuk do të ndodhë për herë të parë që nga viti 1996
Burime të shumta të lidhura me planet e Shoqatën e Softuerëve të Argëtimit (ESA) kanë konfirmuar se organizata, e cila është përgjegjëse për ekspozitën vjetore elektronike të argëtimit (E3), së shpejti do të anulojë ekspozitën tre-ditore. Ashtu si vitet e mëparshme, E3 2020 ishte planifikuar të ndodhte në fillim të qershorit si një event tre-ditor në Los Angeles Convention Center. Menjëherë pasi lajmi u shpërnda, botuesi i lojërave indie, Devolver Digital, postoi në Twitter duke thënë: “Anuloni fluturimet dhe hotelet tuaja për E3.” ESA nuk kishte bërë asnjë njoftim në lidhje me E3 2020 në atë kohë.
Një burim lidhur me shoqatën, tha që ata do të dëgjonin lajmet për anulimin e E3 2020 “direkt nga anëtarët e ESA” dhe se një deklaratë zyrtare, publike për këtë çështje “ishte menduar të ndodhte dje , gjë e cila ndodhi.”
Saktësisht pse eventi do të anulohet nuk është e qartë për momentin, pasi para 1 jave, ESA adresoi shqetësimet në lidhje me përhapjen e koronavirusit dhe ndikimin e saj në ekspozimin e madh të vitit 2020 në të gjithë botën duke këmbëngulur që “do të vazhdojnë planet për një konferencë të sigurtë dhe të suksesshme”, ndërsa gjatë kohës “monitoron dhe vlerëson” ndikimin e virusit në eventet e mbajtura në Los Angeles.
Pas kësaj njoftimi, drejtorët krijues të kontraktuar të E3, kompania e mallrave dhe eventeve iam8bit, dha dorëheqjen nga posti i saj pas pesë javësh në punë. Ky lajm pasoi një njoftim të shkurtit se bashkëpunëtori i gjatë i E3, Geoff Keighley nuk do të merrte pjesë në ekspozitën e këtij viti.
Më shumë sesa organizatorët dhe titujt, E3 gjithmonë ka qenë në lidhje me lojërat, por edhe ai aspekt ka qenë mjaft i dëmtuar, pasi E3 ka parë publikuesit e lojërave të mëdha të largohen në vitet e fundit. Activision-Blizzard u bë një pjesëmarrës jo i besueshëm duke filluar nga viti 2016. EA zyrtarisht hoqi E3 në 2016 për të operuar EA Play, një event i pavarur, që ndodh në baza vjetore që nga ajo kohë. Ndërsa Nintendo ka pasur rregullisht një stendë madhore në katin e shfaqjes E3, kompania nuk ka pritur një event kryesor të E3 për ca kohë, duke zgjedhur në vend të kësaj të mbajë prezantimet e para-filmuara të Nintendo Direct në YouTube.
Mungesa e Sony në vitin 2019 u konsiderua veçanërisht e madhe, duke pasur parasysh që është prodhuesi i konsolës më të shitur në botë, dhe mos-shfaqja e kompanisë në E3 2020 nuk bëri shumë çudi, falë një konsoli të ri PlayStation 5 që pritet të lançohet më vonë këtë vit.