E3 ka qenë historikisht java më e madhe e lajmeve në industrinë e videolojërave, por në 2020 ajo u anullua për shkak të pandemisë së COVID-19. Thashethemet se Electronic Software Association, që organizon E3, do riorganizonte eventin janë ndërtuar prej kohësh tashmë. Një raportim i ri sugjeron se ESA planifikon të risjellë E3 2021 në formën e një eventi dixhital, që do të zgjasë tre ditë me transmetime nga 12 orë.
Të paktën ky është sugjerimi që ESA po i bën publishers. Datat e eventit përfliten të jenë 15 deri në 17 qershor, secili me konferenca nga dy orë të kompanisë përkatëse, segment Q&A dhe një aftershow.
ESA ende duhet të flasë me kompanitë, nëse janë dakord me këtë propozim ose jo. GJithsesi raportohet se disa zhvillues kanë më shumë interes të vazhdojnë eventet e tyre jashtë E3. Këto në mënyrë të ngjashme me EA Play dhe Ubisoft Forward, që pamë vitin e shkuar.
Sipas raportimit Geoff Keighley nuk do të jetë pjesë e E3 këtë vit. Keighley organizoi eventin Summer Game Fest vitin e shkuar dhe ka të njejtin plan edhe këtë vit.
Situata duket pak e lëkundur për realizimin e E3 për momentin, ose të paktën realizimin e eventit në të njejtën madhështi që ruante dikur. Mbetet të presim dhe të shohim.