Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Udhëtimi hapësinor që ka sjellë Respawn për lojtarët është një sukses në të gjitha drejtimet dhe tani duket se një vazhdim i Star Wars Jedi: Fallen Order është në zhvillim e sipër. Një raportim i ri sugjeron se një tjetër lojë e bazuar në këtë seri është anulluar, e treta kjo në tre vite, por gjithashtu thotë se Fallen Order 2 dhe një tjetër lojë e pazakonte janë në zhvillim e sipër.
Projekti i tyre më i fundit ishte i koduar me emrin Viking, u anullua pranverën që lamë pas. Viking ishte një spin-off i Battlefront me elemente open-world, që po zhvillohej në EA Vancouver, derisa Criterion e mori këtë detyrë përsipër. Si duket vështirësitë midis këtyre dy studiove për tu organizuar në gjithë atë distancë, shkaktuan që projekti të mos përfundonte fare.
Criterion “kishte nj vizion ambicioz për lojën, duke synuar për një fokus të fortë në historinë dhe personazhet.” Viking do të lançohej më vonë gjatë këtij viti në bashkë me PlayStation 5 dhe Xbox Series X. Sigurisht që tashmë është anulluar dhe asnjë prej këtyre nuk do të ndodhë.
Krahas vazhdimit të Fallen Order, raportohet se “një projekt më i vogël dhe pazakontë” në universin e Star Wars është në zhvillim tek EA Motive. Raportimi nuk jep detaje të mëtejshme mbi këtë lojë.
Lojërat që anullohen para se të lançohen nuk janë ndonjë gjë e pazakontë, por duke qenë se dy lojëra të tjera të Star Wars, të koduara me emrat Ragtag dhe Orca, u anulluan, do të thonim se EA po has pak vështirësi me mbajtjen e këtyre lojërave në shina.
