2020 ka qenë padyshim një nga vitet më të çmendura në historinë moderne, por të paktën Epic Games Store jep lojëra falas javë për javë. Momentalisht mund të merrni Dungeons 3 falas. Nuk do ju kushtojë asgjë dhe pasi ta shkarkoni do të mbetet në librarinë tuaj përgjithmonë.
Nivelet e gjeneruara në mënyrë rastësore i japin campaign-it shumë varietet. Design-i i lojës gjithmonë ju mban në majë të gishtave dhe i shton shumë emocionet.
Dungeons 3 lidhet rreth elfëve të këqinj të Thalya, që kanë marrë kryesinë dhe duan të bashkojnë forcat e errëta për të shkatërruar çdo gjë të mirë që gjejnë. Është interesante sepse ju merrni përsipër rolin e antagonistëve në këtë mes.
Një tjetër element që e bën lojën e bukur është se keni mundësi të rekrutoni çdo lloj minioni të lig që doni. Lista praktikisht nuk ka fund. Ju keni kontroll të plotë mbi ushtrinë tuaj dhe gjithashtu mund të dizenjoni shumë gjëra sipas preferencave tuaja.
Me pak fjalë, është lojë e lezetshme, ndaj mos humbni mundësinë për ta marrë falas.