Një leak sugjeron se Capcom mund të sjellë Resident Evil 3 remake në 2020ën.
Një leak sugjeron se Capcom mund të sjellë Resident Evil 3 remake në 2020ën.
Duket se një remake i Resident Evil 3 mund të jetë në punë e sipër. Kjo sipas YouTuber-it Spawn Wave, i cili ka postuar një video duke diskutuar një thashethem që thotë se loja është duke u zhvilluar dhe se mund të zbulohet zyrtarisht së shpejti.
“Le të themi që dikush ka zbuluar disa informacione dhe doja ti shkoja pak më thellë kësaj, sepse është diçka që do më pëlqente ta shihja të ndodhte. Duket se është diçka që do të ndodhë dhe po përpiqem të kuptoj se kur mund të njoftohet. Është bukur të dëgjosh që Residet Evil 3 remake është i vërtetë. Janë momentalisht duke e zhvilluar.”
Sipas Spawn Wave, ky projekt mund të vijë shumë më shpejt nga ç’pritet. Ai thotë se Capcom ka si synim për një lançim në 2020ën. Nëse kjo është e vërtetë, atëherë lançimi do të ishte shumë pranë Resident Evil 2 remake, që u lançua në janar të këtij viti.
Siç e vë në dukje dhe YouTuber-i, Nëse Resident Evil 3 është realisht në zhvillim e sipër, me shumë mundësi do të strukturohet në RE engine të Capcom, që është përdorur fillimisht për Resident Evil 7 e më tej në Resident Evil 2 remake dhe Project Resistance.
Duhet të kemi parasysh që konfirmimi për Resident Evil 3 është i largët, por duke qenë se përgjatë viteve të fundit janë bërë dy remakes të serive të lojës, nuk do të ishte çudi që ky leak të rezultonte i vërtetë. Plus fakti që RE2 ishte një sukses komerçial dhe kritik, i rrit edhe më shumë gjasat për RE3 remake.