Bëhen leak foto të DualShock 5 të PS5

Imazhet konfirmojnë patentën e spekuluar.

Disa imazhe të bëra leak të devkit-it të PlayStation 5 kanë konfirmuar dizajnin e spekuluar të controllerit DualShock 5 të Sony. Në pamje të parë ai është i ngjashëm me controllerin e PS4.

Controller-at DualShock kanë qenë pjesë e eksperiencës së gaming që ofron PlayStation për mbi dy dekada tashmë. Pasi erdhi fillimisht në sistemin origjinal të PlayStation në 1997, Dual Shock ka marrë update të mëdha pas ndërrimit të çdo gjenerate.

Teksa presim për lançimin e shumëpritur të PS5, më shumë detaje po dalin në sipërfaqe për dizajnin e DualShock 5. Duke qenë se çdo konsolë varet edhe nga pjesët e saj periferike, fansat mezi po presin që të shohin se çfarë ka menduar Sony për controller-in e PS5.

Patentat e plotësuara nga Sony theksonin se controller-i i ardhshëm do të përdorte butona në pjesën e mbrapme, të ngjashme me ato të Xbox Elite. Kjo padyshim që do të mundësonte më shumë funksionalitet, por ndoshta pjesa më e bukur ishte heqja e butonit ‘Home’ nga qendra e saj dhe zëvendësimi me një touchpad më të madh.

Deri më tani, këto vizatime nuk ishin asnjë veçse një koncept, por një leak i bërë së fundmi konfirmon atë që kemi parë në patentën e Sony. Imazhet e bëra leak në subreddit-in e PS5 tregojnë mungesën e një butoni Home dhe tregojnë një touchpad në vendin e tij.

Në pamje të parë, nuk ka shumë detaje të tjera që mund të nxjerrësh nga fotot, por nëse i hedh një sy të dytë, dorezat duket të jenë pak më të tradha se modeli i DualShock 4.

Duke marrë parasysh se devkit-i i PS5 është në sfond të fotove, ky controller mund të jetë prototipi për zhvilluesit. Nëse këto leaks do të rezultojnë të vërteta në fund, do të thonim se Sony i ka qëndruar të njetjës formulë si DualShock 4, vetëm me disa sajesa të tipit next-gen.