DreamHack sjell turnamente $500,000 për komunitetin e Fortnite

Dream Hack po investon gjithmonë e më shumë para në Fortnite, duke ndarë $500,000 mes dy turnamenteve në DreamHack Winter dhe Anaheim.

Për këtë event nuk do të mbahet faza e pre-qualifiers. Përkundrazi, për këdo që blen një biletë ‘bring-your-own-computer’ (BYOC) vendi do të jetë i garantuar.

Turnamenti do të luhet në formatin solo. Me vetë vendimin e Epic Games për të kaluar në squads, DreamHack mund të jetë një nga organizuesit e paktë që ofron solos si mode kryesor i lojës.

Detajet janë ende të shpërndara dhe proçesi i regjistrimit do të konifrmohet në një datë të mëtejshme. Nuk është e qartë nëse lojëtarët profesionistë do të ftohen në këtë event ose nëse do të duhet të kalojnë të njejtat procedura hyrjeje si pjesa tjetër e komunitetit. Momentalisht vendi mund të prenotohet me biletën BYOC.

Meqë turnamenti i parë është vetëm dy muaj larg, Fortnite do të pësojë shumë ndryshime të mëdha, kur merr në konsideratë shpejtësinë e ndryshimeve dhe update-eve në lojë. Pyesim veten nëse BRUTE Mechs do të jenë ende në lojë pas dy muajsh?

DreamHacker Winter do të mbahet në Jönköping të Suedisë nga datat 29 nëntor deri në 1 dhjetor dhe Anaheim do të mbahet në Anaheim të Kalifornisë nga datat 21 shkurt deri në 23.

Meqë ra fjala, Fortnite: Battle Royale bën 2 vjeç sot. Si fluturon koha apo jo? Klikoni linkun këtu për të parë se si po bëhen festimet në lojë dhe se cilat sfida dhe shpërblime duhet të keni parasysh për këtë periudhë kohore.

Fortnite mund të luhet në platformat e PC, Playstation 4, Xbox One, Nintendo Switch dhe mobile.