Dragon Ball Z Kakarot ka vërtetuar të jetë një sukses i vërtetë për Bandai Namco. Sipas një postimi të bërë së fundmi në Twitter, shitjet e Dragon Ball Z Kakarot kanë kaluar 2 milionë njësi në mbarë botën dhe kanë kaluar rreth dy muaj që kur loja u lançua.
Dragon Ball Z Kakarot është videoloja më e fundit në universin e Dragon Ball. Ajo është një action RPG që fokusohet në të gjithë seritë e Dragon Ball Z, duke ju lejuar që të luani me personazhet e serive në një open world.
Krahas kontentit masiv që do të gjeni në lojë, që krahas historisë përfshin edhe disa sidequests, ka shumë gjasa që në një të ardhme do të marrim edhe një DLC për lojën që do të trajtojë Dragon Ball Super.
Kur i merr parasysh të gjitha këto, nuk është ndonjë çudi që shitjet e Dragon Ball Z Kakarot janë kaq të larta. Sado që seritë kanë patur gjithmonë lojëra të shumëkërkuara nga publiku, ato nuk kanë patur të njejtin nivel suksesi edhe nga kritika. Kjo e dallon Kakarot nga të tjerat, sepse kritika ka dhënë reagime shumë pozitive për të.
Shitjet e Dragon Ball Z Kakarot janë aq të mira në fakt, sa loja është në vend të dytë pas lojës më të fundit të Yakuza, Yakuza 7: Like A Dragon. Loja është gjithashtu loja e tretë me shitjet më të mira të Dragon Ball, pas Dragon Ball FighterZ dhe Dragon Ball Z Budokai.
Nëse doni të kontribuoni dhe vetë në këto shitje, mund ta blini lojën. Ajo është e disponueshme në Xbox One, PlayStation 4 dhe PC tani. Mund të shikoni dhe review-n tonë për të më poshtë: