Gjatë një stream-i të mbajtur dje, në datë 12 gusht, Dr Disrespect u pyet se si ndjehej për të gjithë situatën mes Ninja dhe Twitch. Ai filloi një ligjëratë të gjatë për të shpjeguar se nuk i interesonte fare.
Dr Disrespect është shumë i njohur për shpërthimet e tij. Qofshin këto për kalimin e Ninja nga Twitch në Mixer ose për Twitch që nuk e vë në faqen kryesore, diçka është e sigurtë, ai nxehet për shumë gjëra.
Gjithsesi një gjë që mësuam dje, ishte që nuk duhet ta pyesnim se si ndjehej për faktin që Twitch po promovonte porno në kanalin e Ninja, pasi atij nuk i intereson.
Ai madje e bëri të qartë që nuk ishte fare i interesuar të diskutonte për kontradita që nuk e përfshinin atë. Madje më tej vazhdoi ti thoshte audiencës që nuk do të ketë pyetje për njerëz të tjerë, duke e cilësuar që nëse pyetja nuk ishte për të, të mos e pyesnin fare.
Zakonisht ylli i Twitch ka mjaft gjëra për të thënë, kur vjen puna për mënyrën se si këto platforma i menaxhojnë gjërat, siç edhe është vërtetuar në të shkuarën nga fjalimet e tij të pafundta mbi Mixer dhe Twitch, por duket se në këtë rast të caktuar nuk ka pikë interesi.
Gjithsesi lodhet pak shumë duke u përpjekur ta vërtetojë këtë. Në fund Dr Disrespect e mbyll duke thënë se nuk i pëlqejnë situata të tilla dhe se në kanalin e tij gjërat janë “të vërteta dhe autentike.”
Videon e ligjëratës së tij të plotë mund ta shikoni më poshtë. Nuk e di për ju, por unë u kënaqa për vete.