Dr Disrespect ju jep një mesazh fansave për 2020

Kjo mund të jetë një nga gjërat më motivuese që ai ka thënë ndonjëherë.

Fansat e Dr Disrespect kanë shijuar një nga vitet më argëtuese të karrierës së tij në streaming dhe tani, ai do që fansat e tij të bëjnë të njejtën gjë në 2020ën.

Njerëzit do të mirëpresin ardhjen e Vitit të Ri me festimet e zakonshme në gdhirjen e 1 janarit, por i vetëshpalluri gamer-i më i mirë në botë, nuk ka ndërmend të presë për ditën e madhe që t’i nxisë shikuesit e tij të bëjnë disa ndryshime në jetën e tyre.

Doc vendosi të linte pas karrierën e tij si dizajner i niveleve të Call of Duty në 2015, duke ndjekur një rrugë komplet tjetër si një streamer me kohë të plotë. Që nga ajo pikë ai ka ndërtuar një nga personalitetet më të njohura në mbarë botën, me rreth 3.8 milionë ndjekës vetëm në kanalin e tij të Twitch.

Duke qenë se ai bëri një ndryshim masiv në jetën e tij për të arritur aty ku është sot, Dr Disrespect do që edhe fansat e tij të konsiderojnë të bëjnë të njejtën gjë.

Dr Disrespect ka zbuluar më parë se ndërrimi i beftë që bëri në karrierat e tij e ka çuar nga $56,000 në vit në “miliona“. Me shumë gjasa ata që panë stream-in e tij të datës 25 dhjetor, do të frymëzohen të bëjnë të njejtën gjë.

“Ka ardhur koha për të bërë miliona dhe të gjithë ju bëni mirë të bëni të njejtën gjë vitin e ardhshëm,” u shpreh ai në një klip të postuar në Twitter. “Është koha për të sajuar disa gjëra. Nëse nuk jeni i lumtur, kjo do të thotë se duhet të bëni diçka për të. Mos flisni më për këtë gjë, merrni masa për ta ndryshuar.”

Ai shtoi: “Teksa futeni në 2020ën, nëse nuk jeni i lumtur- qoftë prej rrogës suaj, njerëzve që punoni, ose punës që bëni, largohuni që ato. Ka ardhur koha të gjeni lumturinë dhe ti jepni drejtim jetës suaj.”

Ylli i Twitch do të shpresojë që shumë nga miliona fansat e tij në mbarë botën ta dëgjojnë dhe të ndryshojnë gjërat për më të mirën në jetën e tyre. Ndoshta ti mund të jesh një prej tyre.