Dota 2 arrin numrin më të lartë të lojtarëve prej gjashtë muajsh

Shkurti ishte një muaj surprizë

Edhe pse numri i lojtarëve të Dota 2 ka vite që është në rënie, shkurti i 2020 pati një rritje surprizë të lojtarëve, duke bërë që loja të kishte numrin më të lartë mesatar të lojtarëve në 6 muaj.

Sipas SteamCharts, Dota 2, e cila muajin e kaluar pati numrin më të ulët të lojtarëve që prej dhjetorit 2013, pati një rritje të numrit mesatar të lojtarëve mbi 27,000 njerëz, një rritje me 7.14% nga janari. Shifrat tregojnë se mesatarisht 405,978 lojtarë luajtën Dota 2 çdo ditë në shkurt, shifra më e lartë që prej shtatorit 2019.

Rritja e numrit të lojtarëve është e papritur, me vetëm një event të madh esports dhe shumë pak update. Megjithatë, a është e mundur që nostalgjia e The International të ketë rikthyer lojtarët?

True Sight, dokumentari i cili ritregon historinë e TI9 që u fitua nga OG, u lançua në fund të janarit, duke i dhënë fansave një pamje të re të prapaskenave të kampionatit më të madh të Dota 2.

Në mënyrë interesante, numri më i lartë i lojtarëve në shkurt ishte në fund të muajit në 29 shkurt, me mbi 663,000 lojtarë në lojë. Kjo mund të thotë se marsi gjithashtu mund të rrisë edhe më shumë numrin e lojtarëve.