Teksa numri i lojtarëve të Artifact rreth shifrave të 1200-çes, një spin-off krejt ndryshe i Dota po bën bumin në komunitetin e gaming. Dota Auto Chess tashmë ka mbi katër milion subscribera.
Pavarësisht emrit të saj, Dota Auto Chess ka shumë pak të përbashkëta me MOBA-n ose vetë lojën antike të shahut. Më herët këtë javë u sqarua se për të luajtur Dota Auto Chess do ju hyjnë në punë njohuritë nga loja Dota, por ato nuk do të jenë domosdoshmërisht të nevojshme për të vazhduar në të, pasi loja anon pak më shumë nga ana strategjike.
Përgjithësisht duket mjaft i ndërlikuar, si një projekt i bërë nga fansat. Loja sjell sistemin e saj të niveleve dhe ju kërkon që të balanconi burimet tuaja në raunde të caktuara, teksa edhe lojtarët e tjerë janë duke konkuruar për të bërë të njejtën gjë. Kjo po i tërheq të gjithë pas saj dhe këtë e vërtetojnë më së miri shifrat e lojës, me mbi 300,000 lojtarë që e luajnë njëheresh. Pra diku te 1/3 e njerëzve që po luajnë Dota 2 janë duke u marrë me Auto Chess dhe jo me lojën reale. E mahnitshme se çfarë bën një mode i ri.
Tencent Games madje ka sugjeruar se është i interesuar në sjellien e Dota Auto Chess për mobile, por zhvilluesit e këtij modi janë shprehur se nuk kanë asnjë qëllim që ta kalojnë atë në një platformë tjetër ose për të shitur konceptin. Një raportim i fundit ka shprehur se edhe Valve ka qenë në kontakt me ta dhe se janë duke planifikuar të sjellin matchmaking dhe replay mode në lojë.