Update 7.26 në Dota 2 ngadalëson edhe më shumë lojën

Update-i i ri ka si qëllim të ngadalësojë lojën në nivelet e larta

Duket se Ice Frog dhe ekipi i Dota 2 i Valve po shikojnë me kujdes skenën kompetitive të lojës gjatë pandemisë së coronavirus, pasi një update i ri e ka ndryshuar lojën në disa aspekte.

Gameplay Update 7.26 nuk fokusohet në heronjtë, items ose gjëra të tilla, por sjell disa ndryshime në sistemet e lojës të cilat na përgatisin për patch-et që pritet të vijnë në të ardhmen.

Edhe pse ky mund të jetë patch-i më i vogël i veçuar në historinë e lojës, duket se qëllimi i zhvilluesëve është ngadalësimi i lojës. Duket se Valve po i bën këto ndryshime për të parë se çfarë ndryshimesh të vogla e prishin lojën, në vend që të sjellin një update të madh me shumë ndryshime.

• Attributes nuk japin më Magic Resistance, Spell Amplification dhe Movement Speed për Strength, Intelligence dhe Agility respektivisht
• Buildings, creeps, neutrals dhe heroes japin 10% më pak gold
• Gold për kill streaks është ulur me 50%

Ulja e gold padyshim që godet shumë farming heroes, gjë e cila me shumë mundësi është arsyeja pse Valve tha se duhet të pritet për të parë efektet e këtyre ndryshimeve përpara se të ndryshohen heronj dhe items specifikë.

Me shumë mundësi kjo nuk ka lidhje me lojërat e shkurtra që po ndodhin në ndeshjet kompetitive, por të paktën pritet që ato të zgjaten gjatë javëve në vazhdim. Nerf-i i Attributes gjithashtu do të prekë shumë heronjtë INT dhe STR në disa aspekte, por do të duhet pak kohë përpara se të shohim impaktin e vërtetë të tyre.