Imagjinoni sikur Dota 3 të dukej kështu
Imagjinoni sikur Dota 3 të dukej kështu
Bota e Dota 2 është e mbushur me histori dhe personazhe. Ndërkohë që lojtarët dhe heronjtë janë duke luftuar për të mbrojtur Ancients, një lojtar e ka shprehur dashurinë e tij për lojën në një mënyrë tjetër.
Një përdorues i Reddit ka krijuar një lojë single-player RPG në VR për një projekt në shkollë. Ai shpërndau pak nga pamjet e lojës në Reddit.
Lojtari luan si një Radiant melee creep dhe ecën në jungle, ku ai mund të ndërveprojë me objekte si pishtarë dhe armë nga Dota 2 si hook-u i Pudge.
Ai më pas merr aftësinë që i korrespondon heroit, e cila mund të përdoret për të bërë Hook dhe Dismember kundërshtarët. Krijuesi shtoi se loja nisi si thjesht një seri minigames me hook-un e Pudge, një prej heronjve më popullorë në Dota 2. Më pas, ai i çoi një e-mail Gabe Newell, themeluesit të Valve, i cili i dha atij leje për të përdorur asetet e Dota 2.
Valve ka eksperimentuar më herët me virtual reality në Dota 2. Zhvilluesit sollën një spectator mode ku lojtarët mund të shikonin ndeshjet profesionale në VR së bashku me një demo interaktive të Secret Shop.
Valve gjithashtu ka tentuar ta sjellë botën e Dota 2 në një version RPG. Zhvilluesit sollën një campaign multiplayer të quajtur Siltbreaker në 2017 si pjesë e shpërblimeve të Battle Pass.