Mesa duket familja mbretërore qenka shumë e apasionuar pas Dota 2
Mesa duket familja mbretërore qenka shumë e apasionuar pas Dota 2
Kur flasim për “whales” në gaming, zakonisht kemi të bëjmë me lojtarë që shpenzojnë shifra të çmendura brenda një loje ose disa lojërave të së njëjtës kompani.
Në rastin e Dota 2, një prej lojtarëve që ka shpenzuar më shumë para është Mohammed bin Salman bin Abdulaziz al-Saud, i cili nëse nuk e njihni është Princi i Kurorës së Arabisë Saudite, i cili deri më tani ka shpenzuar mbi $6000 në The International 2020 Battle Pass.
Me kaq para sa ka shpenzuar, ai e ka çuar llogarinë e tij “Purrrrrfect Devil Angel Yukeo” në nivelin 14,430 në vetëm 4 ditë. Ai ka mbi 4,000 nivele më shumë se lojtari në vend të dytë, duke shpenzuar gjithashtu edhe $1,500 më shumë.
Kjo nuk është asgjë e re për të, pasi ai ka shpenzuar $69,494 gjatë tre viteve të fundit në Battle Pass, duke shpenzuar $42,100 në 2018. Ai nuk është vetëm kontribuesi më i madh për çdo vit, por theu dhe një rekord duke arritur nivelin 175,000 në 2017.
Ai ka qënë aktiv në Steam që prej 2011 dhe ka luajtur mbi 10,000 lojëra Dota 2, me një rekord 5,772 fitore dhe 5,467 humbje, pra win rate prej 51%. Herën e fundit që kishim mundësi ta shihnim, ai kishte arritur 9,046 orë në Dota 2, ndërkohë që kishte edhe 550 orë në Team Fortress 2.
Edhe pse ka shumë pikpyetje rreth princit të Arabisë Saudite, të paktën mund të themi me siguri se ai ka qef të shpenzojë shumë para në Dota 2.