Dota 2 ka patur numrin më të ulët të lojtarëve që prej janarit të 2014

Duket se Dota po kalon një periudhë të vështirë

Vetëm pak lojëra mund të ruajnë shifra të mëdha lojtarësh si Dota 2 gjatë tetë viteve. Megjithatë, që kur loja arriti kulmin me 1,064,377 lojtarë në shtator të 2016, ka qënë një luftë për t’u siguruar se numri i lojtarëve nuk do të binte.

Në përgjithësi, 2019 ka qënë një vit i mirë me Dota. Loja arriti sërish mbi 1 milionë lojtarë për herë të parë në 3 vite. Por, me nisjen e 2020, këto numra duket se po bien. Dota 2 ka patur numrin më të ulët të lojtarëve me 673,496, shifra më e ulët që prej janarit të 2014.

Gjatë 30 ditëve të fundit, numri mesatar i lojtarëve ka rënë poshtë 385,000 dhe numri maksimal ka arritur në 627,790, totali më i ulët që prej rritjes graduale që nisi në 2013. Valve ka patur gjithmonë probleme me mbajtjen e lojtarëve të tërhequr, por ata kishin arritur mesatarisht rreth 480,000 lojtarë nga fillimi i 2017 deri më tani.

Më poshtë keni numrat ekzaktë nga marsi e deri në fund të dhjetorit nga Steam Charts:

Numrat janë ulur me ngadalë me kalimin e viteve, por kjo rënie gjatë 30 ditëve të fundit padyshim që tregon se viti nuk ka nisur mirë me Dota 2. Shumë probleme në lojë vijnë nga mungesa e lojtarëve, duke nisur nga zgjatja e pritjes përpara ndeshjes dhe aq më shumë llogari smurf do të krijohen.

Nëse Valve nuk bën diçka për të stabilizuar dhe përmirësuar Dota 2, atëherë komuniteti do të shkatërrohet edhe më shumë. Kjo do të sjellë uljen e reklamave dhe shikueshmërisë, në mënyrë të ngjashme siç ndodhi me Team Fortress 2. Shpresojmë që Valve të bëjë diçka për të ardhmen e lojës.