Paketa e parë DLC për Doom Eternal, The Ancient Gods Part One, është lançuar dhe Bethesda ka detajuar se çfarë mund të presin lojtarët nga expansion-i i ri.
Në një postim në faqen zyrtare të Bethesda, zhvilluesi renditi një numër veçorish dhe përmbajtjesh që janë prezantuar me DLC-në e re me pagesë, e cila u lëshua së bashku me update-tin e tretë të madh të lojës.
Postimi në blog fillon me një trailer të lavdishëm për The Ancient Gods Part One, i cili përmban një montazh të Doomguy që shkatërron armiqtë që i dalin përpara, si dhe pamje nga hartat e reja të lojës.
Për më shumë, shihni trailerin më poshtë!
The Ancient Gods Part One shton tre harta të reja, UAC Altantica, Blood Swamps dhe The Holt, secila me karakteristikat e tyre dhe llojet unike të armiqve. Hartat do të shtohen në campaign-in e lojës bazë me blerjen e paketës DLC dhe gjithashtu do të prezantojnë puzzles dhe sfida të reja.
Gjithashtu janë prezantuar tre support Runes të reja: Desperate Punch, Break Blast dhe Take Back. Punch Desperate dyfishon sasinë e dëmit të shkaktuar me një Punch Blood kur health-i i lojtarit është 75 ose më pak; Break Blast lëshon një shpërthim tronditës kur thyhet pika e dobët e një armiku; Take Back lejon lojtarët të rimarrin një Extra Life nëse mund të vrasin shpejt demonin që ua mori.
Përveç suportit të ri, çdo nivel do të përfshijë gjithashtu skins ekskluzive Deluxe Slayer. Me të gjetur dhe përfunduar të gjitha Secret Encounters në tre nivelet e reja, një skin e re Slayer do të bëhet unlock. Të tre skins janë Industrial Espionage, Wetland Warrior dhe Blood Slayer.
Blerja e DLC gjithashtu bën unlock kostumin e Maykr Slayer. Ai do të vijë bashkë me programe të përparueshëm si një podium i ri, animacione në podium, skins alternative, ikona dhe simbole.
Në postim, Bethesda gjithashtu detajoi ndryshimet e paraqitura me lëshimin e Update 3. Lojtarët tani mund të raportojnë të tjerët për gjuhë toksike në voice chat ose me tekst, me shkelësit që rrezikojnë të bëhen block nga përdorimi i këtyre veçorive. Lojtarët inkurajohen të paraqesin screenshots dhe video si prova të akuzimeve të tyre.
Zhvilluesi gjithashtu vuri në dukje se patch-i do të lejojë më shumë mbështetje për eventet në lojë, të tilla si eventi i ardhshëm i Thanksgiving që do të shfaqë disa cosmetics/items dhe më shumë. Përditësimi gjithashtu përfshin rregullime të bugs në kod për Battlemode në të gjitha platformat, si dhe nerf dhe buffs për disa aftësi në konsola.
Doom Eternal dhe DLC-ja e parë, The Ancient Gods Part One janë në dispozicion në PC, PS4 dhe Xbox One.