Këto janë parametrat që iu duhen për të luajtur Doom Eternal

Me shumë mundësi do t’iu duhet një upgrade

Kemi kohë që kemi dëgjuar se Doom Eternal është ndërtuar për të shfrytëzuar në maksimum hardware modern, duke i shtyrë edhe Xbox One X dhe PS4 Pro në limitet e tyre. Tashmë e dimë se çfarë do të thotë kjo për PC, pasi Bethesda dhe id më në fund kanë zbuluar parametrat e kërkuar për Doom Eternal në Steam.

Ato janë mjaft të larta dhe në një tjetër nivel në krahasim me Doom 2016. Minimalisht do t’ju duhet një CPU i5 ose Ryzen 3, ndërkohë që zhvilluesit rekomandojnë i7-6700K ose Ryzen 7 1800X. Gjithashtu, ju duhet minimalisht një GTX 1060 ose RX 470, ndërkohë që rekomandohet një GTX 1080 ose RX Vega56.

Gjatë pyetjeve dhe përgjigjeve pas zbulimit të Doom Eternal në QuakeCon 2018, producenti ekzekutiv i id Software Marty Stratton sqaroi se Doom Eternal do të përdorë idTech 7 për të shtyrë hardware në PC, PS4 Pro dhe Xbox One X në maksimum.