Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dr Disrespect, Ninja dhe Bernie Sanders duhet të hapin rrugën, sepse Donald Trump sapo u bë një streamer. Presidenti i Shteteve të Bashkuara sapo krijoi kanalin e tij të Twitch, një platformë streaming në pronësinë e Amazon, kompani kjo që ka qenë shpesh e kritikuar nga Trump gjatë qeverisjes së tij si president.
Në momentin që shkruajmë, nuk ka patur ende asnjë deklaratë zyrtare nga Trump ose administrata e tij për këtë kanal të ri. Momentalisht ai ka grumbulluar rreth 45000 ndjekës dhe përveç një promovimi të fushatës së tij të ardhshme në Minneapolis, Minnesota, ende nuk ka asgjë të re në kanalin e tij.
Sigurisht që është e pazakontë që Donald Trump do e përdorë këtë adresë për të luajtur Fortnite, por me shumë mundësi ajo do të gjejë shumë përdorim në ndërtimin e fushatës së tij elektorale për vitin 2020. Gjithsesi, sado që nuk është shumë aktiv momentalisht, kanali ka tërhequr shumë aktivitet nga përdoruesit e Twitch.
Trump nuk është politikani i parë që është bërë aktiv në këtë platformë. Bernie Sanders bëri të njejtën gjë në qershor.
“Mendoj se është një mundësi ndryshe për të kontaktuar me një audiencë që mund të mos e gjejmë dot në mënyra të tjera,” tha një anëtar i fushatës së Bernie në gusht, kur po shpjegonte pse Senatori i Vermont e filloi këtë kanal. “Qëllimi ynë me Twitch është që jo vetëm ti lëmë njerëzi të dinë se çfarë po bëjmë me fushatën tonë çdo ditë, por gjithashtu ti dëgjojmë ata dhe opinionet e tyre mbi proçesin politik.”
Sërish mbetet të shohim se për çfarë do e përdori Trump këtë adresë, por është thuajse e sigurt që është për promovimin e fushatës së tij. Ai nuk është as politikani i parë dhe as i fundit që futet në platformën masive të Twitch.
