GTA 6 që vendoset në Vice City vazhdon të jetë një nga raportimet, deklaratat dhe thashethemet më të përhapura për lojën. Vendndodhja ikonike e lojës së 2002 shpesh është përmendur përkrah vendndodhjeve të tjera të mundshme. Do të ishte një hamendësonim i mirë, se kapitulli i gjeneratës së ardhshme në këtë sandbox do rikthehet sërish në Vice City.
Së fundmi, kompania mëmë e Rockstar, Take-Two Interactive u spikat në Reddit, pasi kishte update-uar disa domaine: “gtavicecityonline” dhe “gtavi.” Kjo e fundit ishte tashmë nën pronësinë e Take-Two Interactive, por update-imi i saj i bën spekulimet edhe më interesante. GTA 6 vazhdon të mbetet në zhvillim e sipër, pavarësisht faktit nëse e ka konfirmuar Rockstar këtë ose jo.
E vetmja gjë zyrtare që dimë për GTA 6 është se loja nuk do të lançohet përpara 2021. Kjo sipas CEO Strauss Zelnick të Take-Two Interactive.
GTA 6 po pritej që të ishte prezente në eventin e fundit dixhital të PlayStation 5. Gjithsesi, Rockstar Games i çuditi të gjithë duke njoftuar një remaster të GTA 5 për PlayStation 5 dhe Xbox Series X. Të paktën gamers nuk do të mbeten duarbosh në gjeneratën e ardhshme.