Njoftimi i Galaxy Note 10 solli bashkë me të edhe disa njoftime rreth gaming që smartphone-i do të mbështeste. Një prej tyre ishte një aplikacion për të bërë stream lojëra i njohur me emrin Play Galaxy Link. Shërbimi pritej të vinte në shtator dhe tani është këtu.
Site zyrtar është live dhe aplikacioni për Android është i disponueshëm për tu shkarkuar. Aplikacioni në desktop ju lejon që të shtoni çdo lojë nga PC juaj në Galaxy Note 10 duke e bërë të luajtshme për mobile.
PC juaj duhet të ketë Windows 10, një Intel Core i5 e sipër, një NVIDIA GPU NVIDIA GTX 1060 e sipër, AMD Radeon RX 550 e spër dhe të paktën 8 gigabajt DDR4 RAM që shërbimi të punojë në mënyrë optimale.
Play Galaxy Link ju lejon që të lidhni PC tuaj me WiFi ose mobile data dhe ti bëni stream librarisë së lojërave në telefonin ose tabletën tuaj Samsung. Shërbimi suporton controllera me bluetooth, mouse dhe tastierë. Ka edhe një controller specifik ku mund të fusni telefonin tuaj.
Momentalisht, Play Galaxy Link është ende në beta dhe është e disponueshme vetëm në US dhe Korea. Momentalisht shërbimi është i kufizuar në Galaxy Note 10 dhe 10+, por së shpejti do të vijë edhe në rajone dhe paisje të tjera.
E bukura është që edhe anasjelltas do të jetë e mundur, pra lojërat e mobile ti kaloni në PC. Le të shpresojmë që shërbimi të vijë sa më shpejt të mundet edhe në vendin tonë.