Njerëzit mezi po presin për Star Wars: Episode IX në dhjetor. Ky do të jetë filmi që do të kompletojë të gjithë trilogjinë që filloi në 2015n me The Force Awakends. Gjithsesi fansave do iu duhet të presin për filmin e rradhës së Star Wars. Bob Iger, shefi i Disney, është shprehur se pas Episode IX do të marrin një pauzë.
“Nuk kemi njoftuar asnjë plan specifik për filmat që e pasojnë. Ka filma që ndodhen në zhvillim e sipër, por ende nuk i kemi njoftuar ato. Do të marrim një pauzë, pak kohë dhe pak pushim, sepse saha e Skywalker vjen në fund me filmin e nëntë. Do të ketë filma të tjerë Star Wars, por do të ketë një pushim të gjatë në mes.”
Episode IX do të jetë filmi i pestë i Star Wars që do të lançohet në katër vitet e fundit. Sado që The Force Awakens, The Last Jedi dhe Rogue One ishin super hite në box office, ishte filmi i vitit të shkuar Solo: A Star Wars Story që nuk ndau të njejtin sukses. Pasi filmi mblodhi vetëm $392 milion në mbarë botën, kishte raportime se planet e Disney për filma të tjerë Spin-Off do të anulloheshin.
Gjithsesi le të shpresojmë që Episode IX të mos ndajë të njejtin fat. Star Wars: Episode IX do të vijë në 19 dhjetor të 2019s.