Sipas një raportimi, Resident Evil do të ketë seritë e saj në Netflix. Ky i fundit mendohet të bashkëpunojë me Constantin Film, kompania gjermane e produksionit pas filmave të tij. Seritë mendohen “të thellojnë mitologjinë ekzistuese dhe të ruajnë linjat më kryesore të lojës.”
Seritë e filmave ishin adaptimi lojërave të shoqëruara me dozat e duhura të aksionit dhe jo dhe aq të duhura të horrorit. I pari specifikisht anonte më shumë nga ana e sci-fi. Gjithsesi filmat paraqesin disa nga linjat më kryesore të lojërave dhe tregojnë masakrimin e zombive, kështu nuk është se kemi shumë vërejtje. Filmat janë edhe më të sukseshmit që ka parë ndonjëherë industria kinematografike nga bota e video-lojërave me $ 1.2 bilion fitime në mbarë botën.
Burimi thotë se seritë në Netflix do të “ekplorojnë anët e errëta të korporatës Umbrella dhe pasojat e shkaktuara nga shpërthimi i T-Virus”. Gjithashtu pritet që të inkorporojë të gjithë elementët e Resident Evil, përfshirë këtu sekuencat e aksionit dhe ‘easter eggs’.
Projekti është ende në fazat fillestare të tij. Ende nuk është njoftuar as zyrtarisht dhe të gjitha këto mund të jenë edhe thjesht fjalë të hedhura në ajër.
Kur llogarisim pastaj që lajmi vjen menjëherë pas lançimit të remake-ut të Resident Evil 2, nuk është çudi që nga çasti në çast ta shohim të konfirmuar këtë lajm.