Kate Bishop bashkë me një villain të ri do të vijnë në The Taking AIM DLC që do të vijë më 8 dhjetor
Kate Bishop bashkë me një villain të ri do të vijnë në The Taking AIM DLC që do të vijë më 8 dhjetor
The Taking AIM DLC do të vijë në Marvel’s Avengers më 8 dhjetor dhe do të sjellë në lojë Kate Bishop bashkë me shumë gjëra të tjera. Kjo DLC ishte planifikuar të vinte gjatë muajit tetor por Crystal Dynamics e vonoi në mënyrë që të fokusohej më shumë në rregullimin e problemeve që kishte loja.
DLC The Taking AIM do të sjellë gjithashtu edhe një villain të ri të quajtur Super Adaptoid i cili është krijuar nga AIM dhe përdor “Unstable Molecules” për të kopjuar aftësitë ose pajisjet e dikujt nëse ndodhet afër. Ai mund të kopjoj deri në tetë super aftësi bashkë me formën e tyre. Kështu që mos u çudisni kur të shikoni mburojën e Captain America dhe armaturën e Iron Man në ngjyrë jeshile.
Historia që do të jetë pjesë e DLC do të flasë për Kate Bishop e cila është një harkëtare profesioniste dhe atlete e talentuar, e cila po investigon rreth zhdukjes së Nick Fury dhe mjeshtrit të saj Clint Barton gjatë A-Day. Kjo histori do të sjell mistere të ndryshme me udhëtime në kohë dhe gjithashtu plane djallëzore të AIM për të futur botën në kaos.
Kjo DLC është pjesa e parë e Hawkeye arc. Pjesa e dytë e quajtur Operation Hawkeye: Future Imperfect do të fokushet tek mjeshtri i Bishop, Clint Barton. Pritet që kjo DLC të vijë gjatë vitit 2021 dhe të sjellë shumë ndryshime për Avenger’s Initiative.
Kohët e fundit Marvel’s Avengers nuk po ecën dhe aq mirë. Që prej lançimit të saj lojtarët aktivë në lojës kanë filluar të ulen ndjeshëm dhe besojnë se kjo DLC do t’i sjellë lojës atë që i nevojitet për t’u përmirësuar. Sipas disa raporteve të ndryshme, Marvel’s Avengers iu ka shkaktuar zhvilluesve të lojës afërsisht 48 milion dollarë amerikanë humbje. Shpresojmë që DLC e re t’i japë lojës atë çfarë ka nevojë.