Në pamje të parë është një hardware mjaft i çuditshëm
Në pamje të parë është një hardware mjaft i çuditshëm
Me PlayStation 5 që mendohet të vijë në 2020n, developer kits duhet të kenë filluar të qarkullojnë dhe ne ende nuk kemi parë asnjë prej tyre… deri më tani. Gjithsesi është zbuluar një patentë e Sony, që mund të jetë pikërisht dizajni i PlayStation 5.
Kjo patentë është për një “paisje elektronike të panjohur”, por që në pamje të parë duket si një konsolë. Plus drejtori inxhinierik i Sony, Yasuhiro Ootori, që ka ndihmuar me krijimin e PS4 dhe hardware-ave të tjerë të Sony, është i listuar si një nga dizajnerat e kësaj të fundit. Kjo nuk duket si një rastësi. Ky është imazhi që i është bërë leak paisjes misterioze të Sony.
Është një hardware mjaft interesant. Serish duhet të theksojmë se nuk e dimë ekzaktësisht se çfarë është, por nga numri i madh i portave që ka, do të thonim që është versioni i konsolës për zhvilluesit.
Nëse PS5 që do të vijë për publikun do të duket kështu apo jo nuk e dimë. Ndonjëherë versioni për zhvilluesit dhe versioni final duken të ngjashëm dhe herë të tjera nuk kanë pikën e lidhjes. Nga ana tjetër pastaj ky dizajn është shumë i detajuar për një version zhvilluesish. Këto të fundit zakonisht janë kutia të thjeshta.
Nëse ky është vërtetë drejtimi që Sony do të marrë me PS5, do të jetë një hap shumë i guximshëm nga ana e dizajnit. Forma ‘V’ në fakt do të kishte sens për PS5 dhe konsola mendohet të jetë tmerrësisht e fuqishme, prandaj një dizajn i tillë mund të jetë i detyrueshëm që kjo makineri të mos të të ngeli në dorë.
Për ta përforcuar edhe më shumë këtë leak, Matthew Stoot, Senior Artist i Codemasters tha në twitter se dizajni që i është bërë leak PS5 është me të vërtetë versioni i konsolës për zhvilluesit. Ai edhe hodhi shenja se ky mund të ishte i ngjashëm me dizajnin përfundimtar, duke i shtuar edhe më shumë benzinë zjarrit, pasi e fshiu menjëherë pas postimit tweet-in.
PlayStation 5 ende nuk është zbuluar plotësisht. Kjo do të ndodhë në shkurt kur Sony të mbajë eventin PlayStation Meeting për të treguar më shumë informacione rreth konsolës dhe lojërave që janë në zhvillim për të. Në këtë event do të jenë edhe lojërat The Last of Us Part II dhe Ghost of Tsushima.
Përsa i përket informacioneve që dimë deri tani mbi PS5, është konfirmuar se CPU do të jetë e gjeneratës së tretë të AMD Ryzen Line dhe GPU do të mbështesë Ray Tracing.
Për të marrë lajmet më të fundit rreth PlayStation 5, qëndroni të update-uar me faqen tonë të web-it.